ISSIRARJUANUT AJURIQSUIJIUQSIMAJUQ NALUNAIQTAULAUQTUQ IQQAQTUIVIMMI QUNUJUNNIAQTUMINIUNINGANNUT SURUSIRNIT

IQALUIT (NUNAVUT) – JAANNUARI 30, 2025 – Ullumiujuq, Nunavut Iqqaqtuijikkunginni, Iurik Tiaigu nalunaiqtauqqaujuq pingasuujuqtunut ukiunut ilakkanittutit anullassiivimmiinniarninganni qunujunniaqattalauqsimanningannut 7−nik surusirnit Pirajannilauqsimajuq Iglulimmi Maannauliqtuq Nunavuuniraqtauliqtumi, nunalinni issirarjuakkunnu ajuriqsiujiulauqsimajuq, akunninginni 1978 ammalu 1982 ukiunginni.

Jaannuarimi 23, 2025, issirarjuakkunnu ajuriqsiulauqsimajuq pasijassauniralauqsimajuq 7−nut iqqaqturassaulluni pirajattuminiulluni piqujait malittugit naasautilik 149−mit Pirajattulirinirmut Nalunaikkutait. Pingajuanniuliqtuq taimaak iqqaqturassaliarijausimaliqtuq amisunut ajjigiinnut qunujunnianirmut surusirnit Nunavummiinninganni.

Pilip Puluut, Angijuqqaarijaujuq Gavatuqakkunni King Kiggaqtuijikkunginnut Nunavummi, imaililauqtuq:

“Nalunaiqtaugaluaqtillugu iqqaqtuivimmut aaqqiijjaangittut aanniqtausimajunut assurjuaraaluk pikammassimajanginnut, piluaqtumit uppirnariaqaqtumit pilirijialummi attuikammassimallarittuq taikkuninga namminiq sapummigunnanngittunik inuuqatittinni, surusirnit. Kisianili, taikkua unikkaariaqturunnalauqtut sanngijualuit kamagijaulauqsimajuminiit aanniqtaullutit tusaqtaugiaqarnga nunalinnut, pinirluijuminirmullu. Quviappunga King Kiggaqtuijikkungit Kanatami ammalu Nunavummi Qunujunnianirmut Iqqaqtuivilirijiit ammalu Uvagut King Kiggaqtuijikkunginni Ikajuqtingit, ammalu Attuqtausimajunut Pijittiraqtiit, taikaniigunnalaurngata ikajuqtuillutillu taikkununga ikajuqtaujumajunut tusaqtaujumajunullu.”

Juajji Tuhai, Aulattiji King Kiggaqtuijikkunginnut uqalaurmijuq:

“Iqqaqtuqtaugiaqarngat tiaigu qunujunniaqtuminiuningannut ajauqtuikannirmijut tusaqtittigiaqarngata pilirijimmarinnit uppirijaugialiit pittiaqattaqsimaningittunittau saqqigiaqarmimmata. Ukiugasarjuaraaluit aniguqsimaliqtuugaluat, pirajattulirijikkut kamagijauttautigilauqtut pasittisimajunik surusirnit qunujunniaqtaminirnit. Kikkutuinnait qunujunniaqtausimanniqqata qaigunnaqtusi, iqqaqtuivilirijikkunni ikajuqtuqtaulutillu kamagijaugajaqtusi.”

King Kigaqtuijikkungita Pijittiraqtingit Kanatami Kanatamiutaullutit katujjiqatigiit iqqaqtuitittivattut pirajattuminirnit malittugit gavamatuqakkut killinginni pittiangittuminirnit ammalu kikkutuinnarnut turaanganiqsanit isumaaluutiqaqtutit. King Kiggaqtuijingit Kamasuungummijut Iqqaqtuitittinirmuungajunut uqaujjigiaqtiullutit maligarnit malittiaqujillutit timiuqataujut Kanatami namituinnaq.

– 30 –

TUKISIGIARVIK :

Pivalliajulirijiit
613-954-7803
media@ppsc-sppc.gc.ca
www.ppsc-sppc.gc.ca

Date modified:

2025-01-30